SEJAM BEM VINDOS

E ku txeu karinhu, i alegria ki N sa ta ben konbida nhos pa nhos ben diskubri es livru di puezia di un grandi puetiza Claudina Silva Moreira.

Poemas na nos lingua maternu, ki sta kurijidu di akordu ku regras di nos alfabetu kabuverdianu. Na es livru tanbe nhos ta diskubri poemas na purtuges.

Nhos dexa nhos korason envolvi nes sintunia di Amor.

Prefácio


Autora, e un mudjer rumantika, na kada un di si puema letoris ta viaja instantaniamenti, maioria di si poema ta ritrata amor, dizeju, sodadi, lenbransa, sufrimentu, dor, melankulia, suplika i tanbe el ta labanta auto-estima di mudjer. Tudu es sentimentus ta fasi es livru ser maraviliozu. N ta agradisi autora pa es privilejiu k’e oferese-m di le es livru. N vivi kada palavra, N inkanta ku kada versu, N xinti kada poema navega pureza di nha aima, es transporta-m alen di orizonti, rimas suri ku mi, ritimus dansa na nha pensamentu, imajis disfila na nha oliar, metafura manda-m beju di ves en kuantu i koktel di tudu es figura di stilu fasi di es livru li un jardin kuloridu. Na es livru N diskubri un ar sentimental, rumantiku xeiu di viaji, i kela ta mostra ma autora di es livru e un grandi skritora.
N ta agradisi Claudina da Silva Moreira, di fundu di nha korason pa kunfiansa k’e fase-m, kunfiansa di mostra-m ninhu di si petu, es livru ki N perta na mi ku amor sima mai ku fidju, obrigada i grandi abrasu puetiku.

Andreia Tavares de Sousa
(Puetiza i difensora di nos lingua kabuverdianu).

BOA LEITURA
  • Lançamento do livro em Portugal

  • feedback leitor

    Gratidon pa bus palavras di karinhu

  • Lançamento Portugal

  • Feedback Leitor

    Gratidon pa tudu suporti ki bu da-m desdi inisiu bo e txeu spesial